Rreth 200 të plagosur në sulmin iranian ndaj qytetit Arad në Izraelin jugor, raketa nuk u interceptua

Rreth 200 persona u plagosën, gjashtë prej tyre rëndë, dhe disa ndërtesa u dëmtuan kur një raketë balistike iraniane ra mbi qytetin e Aradit, në jug të Izraelit, njoftoi shërbimi izraelit i emergjencave.

Në njoftim thuhet se midis të plagosurve ka edhe fëmijë që janë në gjendje të rëndë, raporton Times of Israel.

Forcat Mbrojtëse të Izraelit nisën një hetim mbi përgjimin e dështuar të një rakete që goditi Aradin, dhe një hetim i tillë u nis më herët sot pasi një raketë balistike iraniane goditi qytetin jugor të Dimonës, pranë të cilit ndodhet Qendra e Kërkimeve Bërthamore.

Më shumë se 30 persona u plagosën në Dimona, përfshirë një djalë 12-vjeçar i cili është në gjendje të rëndë.

Agjencia Ndërkombëtare e Energjisë Atomike (IAEA) tha se nuk kishte shenja dëmtimi në Qendrën e Kërkimeve Bërthamore Shimon Peres në shkretëtirën e Negevit.

“Sipas informacionit nga vendet e rajonit, nuk janë regjistruar nivele të larta rrezatimi”, thuhet në deklaratën e IAEA-s në Platformën X.

⚡️Video from an apartment in Arad, Israel, of the moment of impact pic.twitter.com/pVNjPXeBlX

— War Monitor (@WarMonitors) March 21, 2026