Të dënuar për lidhjet me një grup opozitar, Irani ekzekuton dy persona: Po planifikonin sulm në Teheran

Irani ekzekutoi dy persona të dënuar për lidhje me grupin opozitar Organizata Muxhahedine e Popullit të Iranit. Sipas Iranit ata po planifikonin sulme të armatosura në Teheran duke përdorur pajisje të improvizuara lëshimi raketash.

Pak ditë më parë Irani ka ekzekutuar edhe tre persona të tjerë të cilët ishin të dënuar për vrasjen e oficerëve të policisë dhe kryerjen e operacioneve në favor të Shteteve të Bashkuara dhe Izraelit gjatë trazirave në fillim të këtij viti në vend.

Irani ka ekzekutuar disa persona gjatë muajve të fundit ndërsa akuzat ndaj viktimave janë për spiunazh ndaj Izraelit ose përfshirja në incidentet në protestat në vend.

Autoritetet raportojnë se 3,117 persona u vranë gjatë protestave kundër establishmentit që filluan në fund të dhjetorit.