Garda Revolucionare e Iranit: Armiku do bllokohet në një vorbull vdekjeprurëse nëse ndërhyn në Hormuz

Garda Revolucionare e Iranit ka rritur tonet kërcënuese, duke deklaruar se ka nën kontroll të plotë Ngushticën e Hormuzit, një nga rrugët më të rëndësishme për transportin detar global të energjisë.

Në një deklaratë të publikuar në gjuhën perse në rrjetin social X, komanda detare e Gardës tha se “i gjithë trafiku është nën kontrollin e plotë të forcave të armatosura”, duke paralajmëruar pasoja të rënda për çdo veprim të kundërshtarëve.

“Armiku do të bllokohet në një vorbull vdekjeprurëse në Ngushticë nëse bën lëvizjen e gabuar”, thuhet në deklaratë, e shoqëruar me një video që tregon anije të vendosura në shënjestër.

Deklaratat vijnë pas njoftimit të presidentit amerikan Donald Trump për një bllokadë detare në këtë korridor strategjik.