Irani: Ndërhyrja ushtarake e Trump në Hormuz do të dështojë

Zëdhënësi i Ministrisë së Mbrojtjes së Iranit tha se çdo ndërhyrje ushtarake nga forcat e huaja në Ngushticën e Hormuzit do ta intensifikonte krizën dhe do të shkaktonte paqëndrueshmëri më të madhe në sigurinë globale të energjisë.

Ai shtoi se Donald Trump do të dështojë në çdo përpjekje për ndërhyrje ushtarake në Ngushticën e Hormuzit dhe Detin e Omanit.

Ushtria amerikane nisi të hënën zbatimin e një bllokade të të gjithë trafikut detar që hyn dhe del nga portet iraniane.

Komanda Qendrore e SHBA-së (CENTCOM), e cila është përgjegjëse për operacionet ushtarake në Lindjen e Mesme dhe gjetkë, tha të dielën se bllokada do të “zbatohet në mënyrë të paanshme kundër anijeve të të gjitha kombeve” që hyjnë ose dalin nga portet iraniane në Gjirin Persik dhe Gjirin e Omanit.

“Forcat e CENTCOM-it nuk do të pengojnë lirinë e lundrimit për anijet që kalojnë Ngushticën e Hormuzit për në, dhe nga portet jo-iraniane”, tha ajo.