“Dëgjohen shpërthime”, vijon prej 2 orësh zjarri në Tiranë, policia zgjeron perimetrin e sigurisë

Vijon prej 2 orësh vijon të jetë aktiv zjarri i regjistruar në një pallat pranë Qendrës Spitalore ‘Nënë Tereza’ në Tiranë mbrëmjen e së martës.

Dhjetëra forca të zjarrfikëses ushtrisë dhe policisë ndodhen në zonë pa mundur të vënë nën kontroll flakët në pallat, ndërkohë që është vënë në shërbim edhe një helikopter i ushtrisë që po ndërhyn nga ajri.

4 qytetarë dhe 3 punonjës të zjarrfikëse janë paraqitur deri tani në urgjencën e QSUT me shenja asfiksie.

Gazetarja Sara Demushi raportoi se policia ka zgjeruar perimetrin e sigurisë pas herë pas here dëgjohen shpërthime për shkak të materialeve me të cilat është ndërtuar fasada e pallatit që u përfshi e para nga zjarri.