Ministrit serb të Sportit i ndalohet hyrja në Kosovë

Ministrit të Sportit të Serbisë, Vanja Udoviçiç, i është refuzuar kërkesa për të hyrë në territorin e Kosovës.

Sipas agjencisë së lajmeve, Tanjug, një informacion të tillë e ka konfirmuar drejtori i Zyrës për Kosovën në Qeverinë e Serbisë, Petar Petkoviç.

Euronews Albania ka kontaktuar Ministrinë e Punëve të Jashtme të Kosovës për këtë çështje, e cila ka konfirmuar ndalimin pa dhënë detaje të tjera.

“Ne vetëm mund të konfirmojmë që nuk i është aprovuar kërkesa për hyrje në Kosovë”, – thanë nga Ministria e Punëve të Jashtme pa dhënë arsye se përse zyrtari serb nuk u lejua të hyjë në Kosovë.

Udoviçiç pritej të ishte pjesë e një bisede me të rinjtë serb në Mitrovicë, ku temë do të ishin bursat, ndërsa më pas agjenda përfshinte dhe vizitën në Zubin Potok.

LEXONI GJITHASHTU: 

• Ministri serb i Inovacionit: Deri në fund të vitit prodhojmë vaksinën ruse
• Sputnik V, prodhim serb? Ministri serb i Inovacionit: Deri në fund të vitit prodhojmë vaksinën ruse
• Ministri serb i Mbrojtjes i përgjigjet Ramës: Do mbahesh mend vetëm për çorapet