“30 qershori”, palët duhet të dorëzojnë në “Kushtetuese” pyetjet që kanë për Komisionin e Venecias

Deri në orën 18:00 të ditës së sotme, palët e përfshira në procesin për ligjshmërinë e zgjedhjeve të 30 qershorit duhet të dorëzojnë në Gjykatën Kushtetuese pyetjet që kanë për Komisionin e Venecias.

Gjykata Kushtetuese vendosi të kërkojë opinionin e Venecias, pas një seancë maratone prej 9 orësh, ku u debatua dhe u paraqitën argumentet e palëve për këtë çështje.

Ky vendim ka hapur mjaft debat, pasi ka qëndrime se Venecia i ka dhënë përgjigje kësaj situate me opinionin që dha për kërkesën e mazhorancës për shkarkimin e presidentit Meta, në lidhje me dekretin e tij për anulimin e zgjedhjeve të 30 qershorit.

Por, avokati Jordan Daci, përfaqësues i Shoqatës së Bashkive ka deklaruar se ai opinion nuk i ka dhënë zgjidhje kësaj çështjeje.

Ai thekson se më shumë rëndësi ka pluralizmi dhe legjitimiteti, se sa zhvillimi në kohën e duhur i zgjedhjeve.

Gjykata Kushtetuese e pezulloi çështjen mbi ligjshmërinë e zgjedhjeve lokale të 30 qershorit 2019, deri në mbërritjen e opinionit të Venecias.

LEXONI GJITHASHTU:

• Mentor Kikia: Shoh një frikë nga ana e ‘Kushtetueses’ për të marrë një vendim për 30 qershorin
• Ligjshmëria e zgjedhjeve lokale, Kushtetuesja do t’i drejtohet Komisionit të Venecias
• Ligjshmëria e zgjedhjeve lokale, Kushtetuesja nis sot shqyrtimin e dy padive për 30 qershorin 2019