Harry Maguire lihet jashtë skuadrës së Anglisë për Kupën e Botës: Jam i shokuar nga ky vendim

Mbrojtësi i Manchester United, Harry Maguire është lënë jashtë skuadrës së Anglisë për Kupën e Botës të këtij viti.

Qendërmbrojtësi 33-vjeçar konfirmoi në një postim në rrjetet sociale të enjten se nuk është pjesë e listës së Thomas Tuchel për turneun në Shtetet e Bashkuara, Kanada dhe Meksikës. Ai theksoi se ishte i tronditur dhe i shkatërruar nga ky vendim.

Tuchel pritet të konfirmojë skuadrën e tij të premten. Maguire ndihmoi Anglinë të arrinte në gjysmëfinalet e Kupës së Botës në vitin 2018 dhe në finalen e Kampionatit Evropian 2020. Ai ishte gjithashtu në ekipin e Anglisë që arriti në çerekfinalet e Kupës së Botës së fundit në Katar. Lëndimi e përjashtoi atë nga Euro 2024.

“Isha i bindur se mund të kisha luajtur një rol të rëndësishëm këtë verë për vendin tim pas sezonit që kam pasur. Jam shokuar dhe i shkatërruar nga vendimi. U uroj lojtarëve gjithë të mirat”, shkroi ai në rrjetet sociale.

Maguire u thirr për herë të parë nga Tuchel në mars, pasi ndihmoi në ringjalljen e sezonit të United pas largimit të ish-trajnerit Ruben Amorim.

Përpara kësaj, ai ishte përjashtuar nga ekipi kombëtar që nga shtatori i vitit 2024. Maguire ka bërë 66 paraqitje për vendin e tij dhe ka shënuar shtatë gola. Ai debutoi në vitin 2017 dhe paraqitja e tij më e fundit ishte në humbjen 1-0 të ekipit ndaj Japonisë në mars.

View this post on Instagram

A post shared by Harry Maguire (@harrymaguire93)