Zelenskyy: Pres propozime nga SHBA-ja për formate të reja për bisedimet e paqes

Presidenti ukrainas, Volodymyr Zelenskyy ka deklaruar këtë të premte se përpjekjet diplomatike për t’i dhënë fund luftës së Rusisë në Ukrainë duhet të rigjallërohen. Zelenskyy shtoi se ai priste propozime të reja nga SHBA-ja se si do të zhvillohet kjo diplomaci.

Ai tha gjithashtu se situata në vijën e frontit ishte e favorshme për Ukrainën. Ai i bëri këto komente pasi zhvilloi bisedime në një takim virtual me udhëheqësit e Britanisë, Francës dhe Gjermanisë.

“Tani për tani duhet bërë gjithçka për të intensifikuar diplomacinë. Gjithashtu pres një përgjigje nga pala amerikane në lidhje me formatet e mundshme dhe orarin e takimeve” tha Zelenskyy.

Ai tha se kishte informuar presidentin francez Emmanuel Macron, kryeministrin britanik Keir Starmer dhe kancelarin gjerman Friedrich Merz për zhvillimet në vijën e parë të frontit. Presidenti tha se Ukraina kishte rivendosur kontrollin mbi 590 km katrorë të territorit të pushtuar që nga fillimi i vitit.