Presidenti i Iranit: Jemi të gatshëm ta sigurojmë botën se nuk synojmë të zotërojmë armë bërthamore

24 Maj 2026 | 14:42

Presidenti iranian, Masoud Pezeshkian, ka deklaruar se Irani është i gatshëm të sigurojë botën se vendi nuk synon të zotërojë armë bërthamore.

Analisti ushtarak, Sean Bell, tha se Irani ka deklaruar vazhdimisht se nuk ka interes për zhvillimin e armëve bërthamore.

Sipas tij, duke e përsëritur edhe një herë këtë qëndrim, Teherani thjesht “po rikthen në vëmendje një linjë që e ka mbajtur vazhdimisht”.

Megjithatë, vlen të theksohet se shumë vëzhgues nuk besojnë se Irani nuk ka synime për zhvillimin e armëve bërthamore. Analisti ushtarak Michael Clarke ka deklaruar se Teherani “i ka gënjyer botës”.

Pezeshkian deklaroi gjithashtu se vendi i tij nuk do të bëjë kompromis kur bëhet fjalë për nderin dhe dinjitetin kombëtar.

Gjatë 24 orëve të fundit është folur shumë për një marrëveshje të mundshme mes SHBA-së dhe Iranit, përfshirë edhe një memorandum mirëkuptimi.

Megjithatë, të dyja palët duket se kanë dallime në kushtet e tyre.

Sekretari amerikan i Shtetit, Marco Rubio, deklaroi sot se “qëllimi përfundimtar është që Irani të mos ketë kurrë një armë bërthamore”.

Ndërkohë, sinjalet nga mediat shtetërore iraniane tregojnë se Teherani e ka bërë të qartë se nuk do të diskutojë programin e tij bërthamor derisa të përfundojë lufta.

Home Kryefaqja
Shiko në: YouTube
Lajme të Sugjeruara

Organi ndërkombëtar i paqes nuk arrin dakordësimin për të dërguarin e ri të Bosnjës, vijojnë diskutimet

Organi ndërkombëtar që mbikëqyr procesin e paqes në Bosnjë nuk arriti të binte dakord të enjten për një kandidat për një të dërguar të ri...
20:16 | 04/06/2026

Putin: Nëse Ukraina i thotë po kompromisit që ramë dakord me Trumpin në Alaskë, lufta do të përfundojë shpejt

Presidenti rus Vladimir Putin iu përgjigj të gjitha pyetjeve të hapura në lidhje me marrëdhëniet ndërkombëtare të Rusisë, ndërsa foli me gazetarët që mbulonin forumin...
20:13 | 04/06/2026

Ministri Lavrov: Lufta e Bidenit në Ukrainë u bë lufta e Trumpit

Ministri i Jashtëm rus Sergei Lavrov iu referua deklaratave të Sekretarit të Shtetit të SHBA-së Marco Rubio në mbështetje të Ukrainës, duke thënë se ato tregojnë se...
20:06 | 04/06/2026