SHBA: Forcat amerikane janë në shënjestër me anë të dhënave të vendndodhjes

Forcat amerikane të vendosura në zonat e konfliktit janë vënë në shënjestër përmes përdorimit të të dhënave komerciale të vendndodhjes, sipas raporteve të siguruara nga zyrtarët ushtarakë amerikanë.

Në një letër të bërë publike nga senatori Ron Wyden, Komanda Qendrore e SHBA-së (CENTCOM) pranoi se ka marrë “raporte të shumta kërcënimesh” lidhur me shfrytëzimin e këtyre të dhënave nga kundërshtarët për të gjurmuar ose mbikëqyrur personelin amerikan në terren.

Dokumenti, i datës 14 prill, nuk jep detaje konkrete mbi incidentet, por shqetësimet lidhen me rajonin e Gjirit Persik, ku forcat amerikane përballen me tensione të vazhdueshme me Iranin, veçanërisht rreth Ngushticës së Hormuzit.

Me anë të kësaj është parë rreziku që paraqet përdorimi i të dhënave dixhitale dhe ekonomia globale e mbikëqyrjes në operacionet moderne ushtarake.