Trump: Netanyahu pranoi të mos dërgojë trupa në Bejrut
Presidenti amerikan Donald Trump deklaroi se ka ndërmjetësuar për uljen e tensioneve mes Izraelit dhe Hezbollahut, duke njoftuar se kryeministri izraelit Benjamin Netanyahu ka rënë dakord të mos dërgojë trupa në jug të Bejrut.
Në një postim në platformën e tij Truth Social, Trump tha se zhvilloi një telefonatë “shumë produktive” me Netanyahun, gjatë së cilës, sipas tij, u arrit dakordësia për të shmangur çdo avancim ushtarak drejt kryeqytetit libanez.
“Nuk do të ketë trupa që shkojnë në Bejrut dhe çdo forcë që ishte nisur në atë drejtim është kthyer mbrapsht”, shkroi Trump.
Presidenti amerikan shtoi se, përmes përfaqësuesve të lartë, ka zhvilluar gjithashtu bisedime me Hezbollahun, i cili sipas tij ka pranuar të ndalojë sulmet kundër Izraelit.
Sipas Trumpit, marrëveshja parashikon ndërprerjen e të gjitha shkëmbimeve të zjarrit, me qëllim që të shmanget një përshkallëzim i mëtejshëm i konfliktit dhe të ruhet armëpushimi në Liban.
Nuk ka pasur ende një konfirmim zyrtar nga qeveria izraelite apo nga Hezbollahu lidhur me deklaratat e presidentit amerikan.
Kryefaqja
Trump të martën do të presë Zelenskyyn dhe Netanyahun në Shtëpinë e Bardhë, do të zhvillojë takime të ndara
Kryeministri irakian urdhëron hetim lidhur me akuzat e Arabisë Saudite për sulm me dronë
Pashinyan bisedë telefonike me Putin, kërkon zgjidhje lidhur me kufizimet ruse mbi eksportet armene
- 22:30 Aksident i rëndë në Durrës, përmbyset një makinë. Dy të lënduar (VIDEO)
- 22:25 Aktivisti Goci: Protesta duhet të bëhet e dhunshme, të bllokohet Parlamenti
- 22:03 “Çfarë sekretesh ka në atë marrëveshje që ruhet me 7 palë zinxhirë?” Hoxha: Shehaj bëri mosbindje civile
- 21:41 “Më erdhi keq për çfarë ndodhi”, Erla zbulon bisedën me Shehajn që bëri me punonjësen e Kuvendit
- 21:19 “Pushteti do të krijojë idenë e një proteste të dhunshme”, gazetari Stafa: Dhuna jo proporcionale
- 21:00 Trump të martën do të presë Zelenskyyn dhe Netanyahun në Shtëpinë e Bardhë, do të zhvillojë takime të ndara