Pamje dramatike, droni godet një stacion autobusësh në Ukrainë (VIDEO)

Një shpërthim i fuqishëm ka ndodhur të hënën pasdite në qytetin ukrainas të Zaporizhias, pas një sulmi me dron rus në një stacion autobusi, duke shkaktuar viktima dhe të plagosur.

Sipas autoriteteve lokale, të paktën dy persona kanë humbur jetën dhe 15 të tjerë kanë mbetur të plagosur.

Pamjet e regjistruara nga kamerat e sigurisë tregojnë momentin kur droni godet një stacion autobusi në një kryqëzim rrugor, në një zonë banimi, pranë një furgoni të bardhë të parkuar. Menjëherë pas përplasjes, ndodh shpërthimi i fortë, ndërsa një re e madhe tymi ngrihet mbi zonë.

Në momentin e sulmit, një tjetër automjet kalon pranë vendit të ngjarjes, duke shmangur shpërthimin në çastin e fundit, sipas pamjeve të publikuara.

Ngjarja është konfirmuar nga kreu i Administratës Ushtarake Rajonale të Zaporizhias, Ivan Fedorov, i cili ka bërë me dije se ekipet e emergjencës kanë ndërhyrë menjëherë në zonë.

Autoritetet ukrainase vijojnë hetimet mbi sulmin, ndërsa situata në rajon mbetet e tensionuar për shkak të përshkallëzimit të sulmeve me dron dhe artileri.

At least two civilians were killed and 15 others injured after a Russian attack drone hit a bus stop in the city of Zaporizhzhia. pic.twitter.com/9O4YKnYuau

— Visegrád 24 (@visegrad24) June 8, 2026