Aleanca për Teatrin për lejen e KKT-së: Provokim, nuk ka folur ende Kushtetuesja

Këshilli Kombëtar i Territorit miratoi sot lejen për ndërtimin e godinës së re të Teatrit Kombëtar. Lajmi për vendimin e Këshillit të Territorit e ka dhënë kryebashkiaku i Tiranës, Erion Veliaj, i cili thotë se projekti i ri ka salla më të mëdha për spektatorët dhe asnjë kullë.

Aleanca për Mbrojtjen e Teatrit përmes një reagimi e ka cilësuar vendimin e Këshillit të Territorit si provokim.

Aleanca thotë se miratimi i lejes për ndërtim është një mesazh presioni që qeveria po i dërgon Gjykatës Kushtetuese.

Gjykata nuk e ka dhënë ende vendimin për padinë e Aleancës dhe Presidentit kundër shembjes së Teatrit Kombëtar nga Bashkia e Tiranës.

Sa i përket godinës së re të Teatrit Kombëtar, është projektuar nga arkitekti danez, Bjarke Ingels dhe do të ndërtohet në të njëjtin vend ku ndodhej ndërtesa që u shemb më 17 maj të vitit të kaluar.

LEXONI GJITHASHTU:

• Kreu i Bashkisë Tiranë njofton miratimin e lejes për ndërtimin e Teatrit të ri Kombëtar
• Pritet vendimi përfundimtar për Teatrin, presidenti kërkon pezullimin e çdo veprimi
• Seanca për Teatrin Kombëtar në Kushtetuese mbyllet pas 12 orësh