Ibra për Cristiano Ronaldon: Karriera e tij ka mbaruar

Ish-futbollisti, tani gazetar dhe komentator televiziv për Sky Sport, Aldo Serena, kritikoi ashpër këshilltarin e lartë të Milanit, Zlatan Ibrahimovic, në llogarinë e tij X për fjalët e tij kundër Cristiano Ronaldos.

Ibra kishte thënë: “E kam thënë shumë herë, ka mbaruar. Messi është e vetmja arsye pse ai ende luan futboll. Ai e di që nëse tërhiqet para Messit, Leo do t’ia marrë rekordin e tij të vetëm, 1.000 golat e tij. Messi do të jetë gjithmonë më i mirë se ai. Sa më shpejt ta pranojë këtë, aq më mirë për karrierën e tij të përfunduar.”

Aldo Serena iu përgjigj ish-sulmuesit suedez në rrjetet sociale si më poshtë: “Ekziston një ndjenjë krenarie, arrogance, një shkëputjeje nga dëgjimi i të tjerëve, një distancë nga të kuptuarit e atyre që kanë bërë të njëjtën punë si ju”, tha ai troç përpara se të shprehte edhe mendimin e tij mbi përgjegjësinë e Ibrahimovicit për problemet që kanë lindur te AC Milan.

“Nuk është rastësi që ky qëndrim ka çuar në përçarje dhe mosmarrëveshje brenda kuqezinjve. Më duket antiteza e një menaxheri të aftë.”

Zlatan Ibrahimovic sigurisht që nuk është i panjohur me këtë lloj komenti: deklaratat e tij janë gjithashtu rezultat i miqësisë së tij me Messin.

Të dy ishin ish-shokë skuadre te Barcelona. Argjentinasi sigurisht që po përjeton një fund më të mirë të karrierës së tij sesa CR7 , por kjo nuk e zvogëlon karrierën e jashtëzakonshme të kampionit portugez.