Gruaja e futbollistit venezuelian humb jetën nga tërmeti, shpëtohet vajza e tyre e mitur

Venezuela është tronditur nga tërmetet teksa numri i viktimave shtohet moment pas momenti. Mes viktimave ka edhe familjarë dhe të dashur të personave me influencë si rasti i gruas së futbollistit Hector “Kiki” Bello, Andrea.

Ajo humbi jetën duke tentuar të shpëtojë fëmijën e saj të mitur nga tërmeti i fuqishëm që goditi vendin më 24 qershor. Ndërtesa në të cilën jetonte familja u shemb plotësisht gjatë tërmetit, duke i bllokuar banorët nën rrënoja.

Operacioni i shpëtimit filloi menjëherë, por për gruan e futbollistit ishte tashmë tepër vonë. Ajo sakrifikoi veten për të shpëtuar vajzën e saj.

Sipas dëshmitarëve okularë dhe mediave lokale, Andrea u përpoq të mbronte vajzën e tyre të vogël, Alanën, pak më shumë se një vjeç, duke e mbuluar me trupin e saj në momentin e shembjes. Veprimi i saj rezultoi shpëtimtar për fëmijën, e cila arriti të shpëtohej.

Futbollisti konfirmoi vdekjen e gruas së tij përmes një postimi në rrjetet sociale, duke shprehur dhimbjen e tij të për humbjen, ndërsa rasti ka shkaktuar një valë mbështetjeje nga bota e sportit dhe më gjerë.