Nis marshimi, qytetarët mblidhen para Kryeministrisë

Ka nisur marshimi i qytetarëve drejt Kryeministrisë teksa këtë të shtunë shënohet dita e 28-të e protestës. Protestuesit shihen me pankarta dhe flamuj në duar.

Pavarësisht temperaturve të larta ata kanë vijuar protestën e tyre teksa bëjnë thirrjen e tyre të përsëritur prej ditësh për dorëheqjen e kryeministrit Edi Rama.

‘Rama në burg, Berisha në burg’, ‘Rama jepe dorëhqjen’, ‘Shqipëria nuk shitet’, janë disa nga thirrjet dhe pankartat që brohorasin qytetarët.

Edhe ditën e sotme nuk mungon prania e fëmijëve të mitur të cilët prindërit e tyre kanë vendosur t’i marrin me vete në marshim.

Në këtë marshim pritet të ketë është shqiptarë nga diaspora të cilët kanë udhëtuar nga vendet ku punojnë dhe jetojnë për t’u bashkuar në këtë protestë qytetare.