“Michael” bëhet filmi biografik me fitimet më të larta në histori

29 Qershor 2026 | 08:30

Filmi biografik “Michael”, kushtuar legjendës së muzikës Michael Jackson, ka vendosur një rekord të ri në kinematë botërore, duke u bërë filmi biografik me fitimet më të larta të të gjitha kohërave.

Pas dhjetë javësh në kinema, produksioni i Lionsgate ka grumbulluar 977.4 milionë dollarë në arkën globale, duke lënë pas “Oppenheimer”, i cili kishte përfunduar rrugëtimin e tij me 975.8 milionë dollarë. Filmi vazhdon të shfaqet në disa tregje, përfshirë Japoninë, ndërsa pritet të arrijë së shpejti shifrën historike prej 1 miliard dollarësh në të ardhura.

Vetëm gjatë fundjavës së kaluar, “Michael” arkëtoi 9.2 milionë dollarë, duke e çuar totalin në 370.2 milionë dollarë në Amerikën e Veriut dhe 607.2 milionë dollarë në tregjet ndërkombëtare.

Në rolin kryesor interpreton Jafar Jackson, nipi i Michael Jackson, ndërsa filmi është drejtuar nga Antoine Fuqua. Me këtë sukses, “Michael” ka lënë pas edhe “Bohemian Rhapsody”, i cili mbante rekordin si filmi muzikor biografik më fitimprurës me 911 milionë dollarë të ardhura në mbarë botën.

Nëse kalon kufirin e 1 miliard dollarëve, “Michael” do të bëhet filmi i dytë i vitit 2026 që arrin këtë sukses, pas “Super Mario Galaxy Movie”.

Home Kryefaqja
Shiko në: YouTube
Lajme të Sugjeruara

Vala e të nxehtit në Evropë, policia e Berlinit freskon me ujë fansat në koncertin e Bruno Mars-it (VIDEO)

Policia e Berlinit përdori topa uji për të freskuar mijëra fansa të Bruno Mars-it që prisnin jashtë Olympiastadion-it, ndërsa temperaturat u ngjitën deri në 40°C...
11:21 | 29/06/2026

Kompania spanjolle anulon 320 shërbime me trena, mijëra udhëtarë në vështirësi për shkak të një greve

Java ka nisur me vështirësi për mijëra udhëtarë në Spanjë, pasi kompania hekurudhore Renfe ka anuluar 320 shërbime hekurudhore këtë të hënë, më 29 qershor,...
11:00 | 29/06/2026

Komisionerët evropianë do vizitojnë Turqinë përpara samitit të NATO-s

Shefja e politikës së jashtme të BE-së, Kaja Kallas, së bashku me Komisioneren Evropiane për Zgjerim, Marta Kos, dhe Komisionerin Evropian për Punë të Brendshme...
10:42 | 29/06/2026