Pikat kufitare të Kakavijës dhe Kapshticës do të jenë të hapura 24 orë

Duke nisur nga sot do të funksionojnë gjatë 24 orëve pikat kufitare të Kakavijës dhe Kapshticës, për të gjitha kategoritë e udhëtarëve. Lajmi u bë i ditur nga Ministria për Evropën dhe Punët e Jashtme.

Për sa i përket pikës kufitare në Qafë Botë, deri më datë 7 korrik do të funksionojë në të njëjtën mënyrë si funksionon sot, pra, do të jetë e hapur nga ora 08:00 deri 16:00, me një limit prej 250 personash në hyrje.

Të gjithë udhëtarët që do të kalojnë nga këto pika kufitare duhet të disponojnë:

• Formularin PLF të plotësuar online
• Testi PCR, Rapid test, certifikatë vaksinimi ose vërtetim që qytetari është diagnostikuar me COVID-19 (2-9 muajt e fundit).

Numri i lejuar i qytetarëve që do të kalojnë nga këto pika kufitare është:

• Kakavijë: 1500 persona, e hapur 24 orë
• Qafë Botë: 250 persona, e hapur 08:00 me 16:00)
• Kapshticë: 400 persona, e hapur 24 orë.