Haaland pas eliminimit nga Kupa e Botës: E vendosëm Norvegjinë në hartën e futbollit

Futbollisti norvegjez Erling Haaland tha sot, pas humbjes nga Anglia dhe eliminimit nga Kupa e Botës, se skuadra e tij në Kupën e Botës të këtij viti e futi përzgjedhjen e Norvegjisë midis ekipeve më të mëdha kombëtare në botë.

Lojtarët e Norvegjisë u mposhtën pas kohës shtesë nga Anglia me rezultatin 2:1 në çerekfinalet e Kupës së Botës.

“Ky ka qenë një udhëtim i çmendur. Mendoj se kjo ma ka ndryshuar jetën, për të qenë i sinqertë. Ne e vendosëm Norvegjinë në hartën e futbollit”, tha Haaland.

Trajneri i norvegjezëve, Stole Solbakken, theksoi se skuadra e tij luajti në nivelin më të lartë dhe shtoi se gjërat e vogla vendosën fituesin e ndeshjes.

“Jeta është kështu dhe tani na duhet pak pushim. Ky është kulmi i futbollit botëror. Patëm disa probleme në fillim, në 20 minutat e para, por duhet t’i lavdëroj djemtë. I urojmë Anglisë fat të mbarë në të ardhmen”, tha Solbakken.

Ai deklaroi se është shumë krenar për faktin që ekipi i tij i përmbushi pritjet e kombit.

“Ne thamë se do ta rrisnim nivelin e lojës kur të shkonim në Kupën e Botës pas kualifikueseve të shkëlqyera dhe ia dolëm mbanë. Djemtë e kanë arritur këtë. Kemi qenë këtu së bashku për gjashtë javë e gjysmë. Nuk mendoj se dikush është mërzitur për asnjë moment”, tha Solbakken.