28 persona nën akuzë për trafik droge, lihen në fuqi masat e sigurisë të kërkuara nga SPAK

Seanca për caktimin e masës së sigurisë ndaj 28 personave të vënë nën akuzë për trafikun e drogës ka përfunduar dhe Gjykata ka vendosur të lërë në fuqi masat e sigurisë të kërkuara nga SPAK.

SPAK i ka qëndruar kërkesës së parë ku cilësohet masa e sigurisë “arrest me burg” për 24 persona dhe “arrest shtëpie” për katër persona të tjerë, mes të cilëve dhe prokurori, Maksim Sota.

Ky i fundit para Gjykatës i ka mohuar të gjitha akuzat dhe pretendimet e dëshmitarëve.

Përpara togave të zeza të GJKKO-së ai është shprehur se nuk ka lidhje me asnjë nga personat e përfshirë në trafik. Përsa i përket banesës me qira, Sota pretendon se në Vlorë jeton në banesën e vëllait të tij dhe në asnjë vend tjeter. Gjithashtu ka shtuar se jeton mes Krutës së Lushnjës dhe Vlorës. Sipas tij, në qytetin bregdetar shkon vetëm kur është i gatshëm.

Janë gjithsej 38 urdhër-arreste në Shqipëri, Mal të Zi, Itali dhe Spanjë nga një operacion në bashkëpunim me Policinë e Shtetit, SPAK-un dhe Anti-mafian italiane. Nga operacioni janë goditur 4 grupe kriminale, të cilët trafikuan 6 tonë lëndë narkotike të llojit kanabis sativa, heroinë dhe kokainë drejt Italisë.

Katër personat në arrest shtëpie

• Luan Zylyftari
• Artur Krasniqi
• Ilirjan Balla
• Maksim Sota

24 personat që janë arrestuar me burg:

• Aleks Memaj
• Jovan Memaj
• Aleksandër Neço
• Shkëlzen Kamberi
• Benard Tahiraj
• Mereglen Çaçi
• Erind Hysomenaj
• Klajdi Ademi
• Toni Kushi
• Erion Hoxhara
• Çezar Gjomemo
• Sajmir Kurti
• Malton Lleshi
• Shkëlzen Daci
• Eltion Bregasi
• Paul (Agustin) Deda
• Hekuran Marku
• Hamid Seferi
• Leonidha Sejdiaj
• Ilir Gaba
• Geri Zylyftari
• Erlind Zylyfttari
• Artan Zylyftari
• Festim Lela

Në seancë kanë qenë 18 persona të arrestuar dhe 10 të tjerë të ndaluar më herët, ndërsa 10 të tjerët janë ende persona në kërkim.

LEXONI GJITHASHTU: 

• Operacion ndërkombëtar antidrogë, arrestohet prokurori i Vlorës dhe shefi i Sektorit kundër Trafiqeve
• “U sekuestruan 6 tonë drogë e miliona euro pasuri”, Kraja: 4 bashkëpunëtorë të drejtësisë ndihmuan hetimet
• I penduari i drejtësisë tregon si funksiononte rrjeti i trafikut të drogës që çoi në pranga prokurorin dhe zyrtarët e policisë