Në datat 7-9 korrik maturantët mund të plotësojnë formularët A1/A1Z

Maturantët kanë mundësi të aplikojnë sërish për formularët A1/A1Z.

Lajmi është dhënë nga ministrja e Arsimit, Sportit dhe Rinisë, Evis Kushi nëpërmjet një statusi në Facebook, e cila bën të ditur se kjo procedurë mund të kryhet mes datave 7 dhe 9 korrik.

“Pas kërkesave të shumta të të interesuarve që kanë përfunduar maturën dhe ende nuk kanë plotësuar formularët A1/A1Z, i ftoj të shfrytëzojnë edhe një mundësi të re për të kryer këtë aplikim në datat 7 deri 9 korrik 2021. Suksese të gjithëve!” – shkruan ministrja.

Rreth 34 mijë maturantë iu nënshtruan provimeve të Maturës Shtetërore.

Pak javë më parë, maturantët zhvilluan protesta në disa qytete të vendit, pasi pretendonin se pyetjet e testit të matematikës nuk kishin lidhje me lëndën që kanë zhvilluar në shkollë.

Nuk mungoi edhe një reagim nga ministria për këtë protestë, ku u njoftua se një grup ekspertësh kishte filluar vlerësimin e nivelit të vështirësisë për çdo pyetje në test dhe në rast se ato tejkalonin nivelin e parashikuar, do të bëhej një rishikim i shpërndarjes së pikëve në test dhe në mënyrën e vlerësimit.

LEXONI GJITHASHTU:

• Matura shtetërore, publikohen rezultatet e provimit të matematikës
• Maturantët zhvillojnë provimin e lëndës me zgjedhje, më pas do të ketë protestë për matematikën
• Dita e dytë e protestës së maturantëve, bllokohet rruga e Durrësit