Johnson prezanton planin për heqjen e masave anti-COVID në Britani të Madhe

Ditën e hënë, kryeministri britanik, Boris Johnson prezantoi planin për t’i dhënë fund kufizimeve sociale dhe ekonomike të COVID-19, në dy javët e ardhshme.

Kufizimet ligjore, përfshi dhe mbajtjen e detyruar të maskës dhe kufizimet për numrin e personave që mund të qëndrojnë së bashku, janë disa nga masat që do të hiqen.

Ky plan konsiderohet edhe një test për të parë nëse shpërndarja e vaksinës ofron ose jo mjaftueshëm mbrojtje ndaj variantit me transmetueshmëri të lartë, atij ‘Delta’.

Johnson deklaroi se njerëzit nuk duhet të ulin vigjilencën, teksa paralajmëroi se variantet që ulin efektshmërinë e vaksinave mund të risjellin vendosjen e kufizimeve në të ardhmen.

I pyetur nëse do të vazhdonte të mbante maskën, ai tha se kjo do të varej nga rrethanat.

“A do të vazhdoj të mbaj maskë? Mendoj se, siç kam thënë edhe më parë, kjo do të varet nga rrethanat. Dhe unë mendoj se ajo që ne duam të arrijmë është që të kalojmë nga vendosja e diktuar e rregullave në ndërgjegjësimin dhe përgjegjësinë individuale të çdo njeriu. Normalisht që ka ndryshim të udhëtosh në një tren plot me njerëz dhe të qëndrosh në darkë vetëm në park”, deklaroi ai.

Britania e Madhe është vendi i shtatë në botë për sa i përket fataliteteve nga COVID-19 dhe kryeministri Johnson është akuzuar shpesh mbi implementimin e ngadaltë të masave gjatë 3 valëve të coronavirusit.

LEXONI GJITHASHTU:

• OBSH e shqetësuar për shpërndarjen e vaksinave anti-COVID
• OBSH paralajmëron se varianti “Delta” i COVID-19 do të përhapet në Evropë deri në gusht
• Varianti Delta i COVID mund të ndërpresë entuziazmin për certifikatën digjitale në BE