Zyrtarët e lartë dhe njerëzit e drejtësisë që ranë në pranga gjatë vitit të fundit

Fatos Tushe është i pari kryebashkiak në detyrë që akuzohet nga SPAK për korrupsion dhe shpërdorim detyre, që nga koha kur është krijuar kjo strukturë. Ai ra në prangat e policisë mëngjesin e sotëm, pasi një hetimi të SPAK.

Më herët, dy ish-kryebashkiakë, pasi përfunduan detyrën, Zamira Rami e Gjirokastrës dhe Adem Lala i Hasit, u akuzuan nga SPAK për shpërdorim detyre.

Të parët e qyteteve nuk janë të vetmit të vënë në lupën e SPAK, pasi deri më tani janë të përfshirë edhe njerëzit e drejtësisë.

Gjatë vitit të fundit, me urdhër të SPAK janë arrestuar 3 prokurorë dhe 2 gjyqtarë, të cilët akuzohen për korrupsion pasiv si dhe shpërdorim detyre.

Maksim Sota, prokuror në Gjykatën e Shkallës së Parë Vlorë ishte magjistrati i pestë i arrestuar në kuadër të operacionit ndërkombëtar kundër trafikut të drogës.

Më herët, po me urdhër të Prokurorisë së Posaçme janë arrestuar drejtuesi i Prokurorisë së Kukësit, Edmond Kariqi, prokurori i Sarandës, Sali Hasa, ish-gjyqtarja e Krujës, Enkelejda Hoxha si dhe ajo e Korçës, Mimoza Margjeka.

LEXONI GJITHASHTU:

• Arrestohet kryetari i Bashkisë së Lushnjës, Fatos Tushe
• Operacion ndërkombëtar antidrogë, arrestohet prokurori i Vlorës dhe shefi i Sektorit kundër Trafiqeve
• I penduari i drejtësisë tregon si funksiononte rrjeti i trafikut të drogës që çoi në pranga prokurorin dhe zyrtarët e policisë