Nëna dhe tre fëmijët e lënduar nga shpërthimi në Velipojë dërgohen në Itali për kurim

Familja e të lënduarve nga shpërthimi i disa bombolave të gazit në Velipojë është nisur sot për në Itali, për kurim të specializuar.

Burime për Euronews Albania bëjnë me dije se familja u nis për në Itali rreth orës 12:00 të ditës së sotme.

Katër familjarët e plagosur kanë marrë mjekim intensiv në repartin e Djegie-Plastikës në QSUT gjatë këtyre ditëve dhe sipas mjekëve, gjendja e tyre shëndetësore ka qenë e rëndë.

Shpërthimi ka ndodhur mëngjesin e të dielës, në hotelin që ishte në pronësi të kësaj familjeje, gjatë kohës që këta të fundit po bënin përgatitjet për të pritur pushuesit për sezonin veror.

LEXONI GJITHASHTU:

• Drejtori i Zjarrfikëses sqaron se në ngjarjen e Velipojës ka pasur rrjedhje gazi
• “Me djegie në 90 për qind të trupit”, mjekët thonë se hedhja në pishinë nuk i ndihmoi të plagosurit e Velipojës
• Shpërthen bombola e gazit në një hotel në Velipojë, plagosen 4 anëtarë të një familjeje, mes tyre një fëmijë