Avokati Gjokutaj thotë se nevojitet plotësimi i BKH për mirëfunksionimin e SPAK

Avokati Genc Gjokutaj tha se arrestimi i kryetarit të Bashkisë Lushnjë, është provë se puna e SPAK ka nisur dhe nuk ka vend për mosbesim.

Sipas tij, vetëm dëshira për goditjen e krimit nuk mjafton, andaj duhen marrë urgjentisht masa për plotësimin me hetues të BKH-së, në mënyrë që puna e nisur nga SPAK të vijojë me intensitet dhe si një proces i rregullt ligjor.

Pavarësisht vullnetit të mirë të prokurorëve të SPAK për të hetuar ngjarjet, mungojnë njerëzit të cilët duhet të hetojnë pistat, tha Gjokutaj, ndërsa shtoi se për arrestimin e Fatos Tushes beson që provat janë të mjaftueshme.

“Bashkia e Lushnjës nuk është thelbi i korrupsionit në Shqipëri,” – tha avokati ndërsa theksoi se shpreson në sqarimin e çështjes me provat që disponon organi i akuzës, në mënyrë që ky të jetë rast i krijimit të një precedenti të shëndoshë në mbarëvajtjen e punës së SPAK.

LEXONI GJITHASHTU: 

• Zyrtarët e lartë dhe njerëzit e drejtësisë që ranë në pranga vitin e fundit
• “PS nuk është mbulesa e askujt”, kryeministri Rama reagon pas arrestimit të kryebashkiakut të Lushnjës
• Arrestohet kryetari i Bashkisë së Lushnjës, Fatos Tushe