Gjenerali amerikan Wesley Clark vizitë në Kosovë

Gjenerali amerikan, Wesley Clark, pritet të vizitojë Kosovën ditën e nesërme pas ftesës së ministrit të Mbrojtjes Armend Mehaj.

Ai do të pritet në Ministrinë e Mbrojtjes në nivelin më të lartë ceremonial ushtarak dhe me protokoll shtetëror.

Wesley Clark nuk është emër i panjohur për qytetarët shqiptarë. Ai ka mbajtur detyrën e Komandantit Suprem të Forcave të NATO-s gjatë aksionit të bombardimit ndaj ish-Jugosllavisë, që kulmoi me çlirimin e Kosovës.

Në çdo intervistë televizive, gjenerali amerikan ka qenë një zë mbrojtës ndaj përpjekjeve të shqiptarëve të Kosovës për liri dhe pavarësi. Pas takimit, ministri Mehaj dhe gjeneral Clark do të mbajnë një konferencë të përbashkët për shtypin.

LEXONI GJITHASHTU

• Dialogu Prishtinë-Beograd, Lajçak: Çdo gjë është politike, asgjë teknike
• Merkel nuk bind liderët e Ballkanit, s’ka marrëveshje për diplomat dhe lëvizjen e lirë
• Ambasadori i ri amerikan në Kosovë, presidenti Biden nominon Jeffrey M. Hovenier