Dardan Mustafaj: PS e ka të pamundur reformën zgjedhore me Parlamentin e ri

Partia Socialiste ka thënë se në shtator do të nisë diskutimet për një reformë të re zgjedhore, mirëpo mazhoranca nuk mund ta bëjë këtë reformë me parlamentin e ri në mënyrë të njëanshme, pasi për nga shpërndarja e mandateve PS dhe partitë aleate nuk kanë mandatet që nevojiten, tha juristi Dardan Mustafaj, njëkohësisht edhe ish-këshilltar i Gjykatës Kushtetuese (GJK).

GJK ka shfuqizuar nenet e Kodit Zgjedhor që përcaktojnë herësin dhe shpërndarjen e mandateve, duke krijuar një boshllëk që duhet plotësuar në Kodin Zgjedhor, mirëpo ky plotësim, z. Mustafaj theksoi se nuk bëhet me parlamentin e ri për shkak se mazhoranca nuk i plotëson dot 83 mandatet që i nevojiten.

“Duhet që dy nga deputetët e PD-së të kalojnë në anën e PS-së në mënyrë që të mund të bëhen këto ndryshime në mënyrë të njëanshme”, shtoi z. Mustafaj.

Duke shfuqizuar dispozitën, Dardan Mustafaj tha se do të kthehemi në mënyrën se si votohej përpara zgjedhjeve të vitit 2021, ku renditja bëhej sipas listave.

LEXONI GJITHASHTU:

• Mazhoranca paralajmëron reformë zgjedhore në shtator