Strehimorja e kafshëve pranë Prishtinës, një habitat i përsosur për arinjtë

Arinjtë në strehimoren në Kosovë po përballojnë temperaturat e larta, ndërsa kujdestarët e tyre përpiqen të jenë të qetë, me shpresën se do të shtohen vizitorët pasi kufizimet e COVID-19 po lehtësohen.

Strehimorja, e cila është afër kryeqytetit të Kosovës, regjistroi një rënie prej 70% të numrit të vizitorëve në 2020-tën për shkak të pandemisë.

Një nga kujdestarët, Jeton Hetemaj tha se ata kishin qenë në gjendje të vazhdonin falë mbështetjes së organizatës për mirëqenien e kafshëve Four Paws (Katër Putrat), me seli në Austri.

“Kemi pasur vështirësi si rezultat i situatës që erdhi për shkak të pandemisë. Në një vit normal kemi diku te 50.000 vizitorë, viti i kaluar është mbyllur me diku tek 15.000 vizitorë. Ne jemi mbështetur financiarisht nga organizata Four Paws”, u shpreh Jeton Hetemaj.

20 arinjtë që jetojnë në strehimore u konfiskuan nga pronarët privatë ose nga restorantet ku ata shërbenin si atraksione për vizitoret.

Hetemaj tha se arinjtë ishin mbajtur në hapësira “aq të vogla sa katër ose pesë metra katrorë” por strehimorja ka dhoma shumë më të mëdha, të cilat imitojnë një habitat natyror.

“Kemi 500 mijë metra katratorë për çdonjërin prej tyre, ku kanë edhe qasje në ujë edhe në hapësira të tjera që të mund të jetojnë pak a shumë si në natyrë”, tha Jeton Hetemaj.

Rojtari Arben Bytyci bën me dije se arinjtë ushqehen dy herë në ditë, me një përzierje frutash dhe perimesh dhe marrin mish tri herë në javë

Megjithëse strehimorja është e hapur përsëri për vizitorët, numri i njerëzve që vizitojnë është akoma më i vogël krahasuar me periudhën para pandemisë.

LEXONI GJITHASHTU:

• Piktura e artistit Leonardo Da Vinçi në ankand për 16.7 milionë dollarë
• Arinjtë polarë drejt zhdukjes, ndryshimet klimaterike rrezikojnë mbijetesën e gjitarëve të artikut