Kreu i Policisë së Shtetit në takim me gjithë shefat e komisariateve

Drejtori i Përgjithshëm i Policisë Ardi Veliu mblodhi mëngjesin e së premtes të gjithë shefat e komisariateve në vend.

Mbledhja vjen pas ndryshimeve të bëra në nëntë drejtori të të gjithë vendit dhe është e dyta në një muaj që organizohet nga kreu i Policisë së Shtetit.

Pas ndryshimeve të bëra në Drejtoritë Vendore të Policisë, Veliu pritet të bëjë një ristrukturim të komisariateve dhe zëvendës drejtorëve në qarqe.

Pas ngjarjeve të rënda kohët e fundit si rasti në Velipojë, Vlorë apo Tiranë drejtuesi i policisë dha udhëzime të reja dhe nga mbledhjet pritet që vartësit e tij të analizojnë përmbushjen e këtyre porosive.

LEXONI GJITHASHTU:

• Ardi Veliu mbledh vartësit, në fokus analiza e punës së drejtorive të policisë në qarqe
• Nuk lëviz Ardi Veliu, në 8 vite, 4 ministra dhe 3 drejtorë policie të ndërruar
• Ekskluzive| “Qarkorja” kundër krimit, Ardi Veliu tre porosi vartësve për monitorimin e situatës