Shpërthimi në Gërdec, më 27 korrik seanca në GJKKO për Fatmir Mediun

Më 27 korrik në Gjykatën e Posaçme kundër Korrupsionit dhe Krimit të Organizuar do të shqyrtohet çështja ndaj ish-ministrit të Mbrojtjes, Fatmir Mediu për shpërthimin që ndodhi në Gërdec.

Gjykata e Lartë shpalli mos-kompetencë për rihapjen e çështjes ndaj ish-ministrit të mbrojtjes Fatmir Mediu dhe vendosi që t’i rikthejë aktet e kësaj çështje Gjykatës së Shkallës së Parë Kundër Krimit të Organizuar dhe Korrupsionit.

Ky veprim erdhi pasi, Prokuroria e Posaçme i kërkoi Gjykatës së Lartë të nisë procesin e gjykimit për ish-ministrin e Mbrojtjes, Mediu në lidhje me shpërthimin që ndodhi në vitin 2008 në fabrikën e demontimit në Gërdec.

Kujtojmë se në 2009-tën u mbyllën hetimet për Mediun për shkak të imunitetit si deputet.

Ngjarja e rëndë shkaktoi vdekjen e 26 personave, plagosjen e rëndë të 27 personave dhe plagosje të lehtë të 109 personave.