Kryeministri i Kosovës takohet me homologun grek

Kryeministri i Kosovës Albin Kurti kërkoi gjatë takimit me homologun Kyriakos Mitsotakis që Greqia të njohë Kosovën.

Tonight, in Athens, I met w/ PM @kmitsotakis. We discussed the importance of strengthening our relations, considering our historic ties. 🇽🇰 wants to foster bilateral cooperation, also as a key element of long-term regional stability. Grateful for 🇬🇷’s support on our EU path. pic.twitter.com/GYtb2VKUl6

— Albin Kurti (@albinkurti) July 8, 2021

Mitsotakis rikonfirmoi përkushtimin e Greqisë për të promovuar dhe forcuar më tej bashkëpunimin me shtetin e Kosovës, pavarësisht se nuk e njeh zyrtarisht.

Gjatë këtij takimi u bisedua gjithashtu për shtimin e marrëdhënieve ekonomike Kosovë-Greqi.

Së fundmi takimet mes dy shteteve kanë qenë më të shumta në numër. Ministri i Jashtëm grek Dendias vizitoi Kosovën më 4 qershor dhe njoftoi se do ketë një tjetër vizitë pas disa muajsh, që do të shërbejë për përmirësimin e vazhdueshëm të marrëdhënieve dypalëshe.

Diplomati deklaroi se Greqia do të mbështesë vazhdimin e dialogut Kosovë-Serbi dhe tregoi se është në komunikim të vazhdueshëm me të dërguarin e BE-së për dialogun, Miroslav Lajçak.

Kjo afërsi mes dy shteteve nuk është mirëpritur nga Vuçiç, i cili pak kohë më parë deklaroi se do t’i kërkojë Greqisë të ndalojë zhvillimin e raporteve, sepse me këto ritme hapi tjetër mund të jetë njohja zyrtare e pavarësisë së Kosovës.

LEXONI GJITHASHTU: 

• Çështja e dialogut Kosovë-Serbi, Kurti dhe Brnabiç replika në Forumin e Prespës
• Albin Kurti del kundër propozimit të Ramës në Samitin e Berlinit
• Marrëveshja e Uashingtonit shkakton debat mes Kurtit dhe Hotit