Lokalet dhe hoteleria me 30% të kapacitetit, pronarët në Vlorë paralajmërojnë protestë

Mbledhja që pronarët e lokaleve të Vlorës kanë kërkuar me prefektin për zgjatjen e orarit të muzikës, ka nxjerrë në pah edhe një problem tjetër, që i prek akoma më shumë këto biznese.

Që prej 1 korrikut, sipas udhëzimeve të Komitetit të Ekspertëve për masat anti-COVID, baret restorantet dhe hoteleria duhet të punojë me 30 përqind të kapacitetit.

Një fakti të tillë e konfirmoi edhe prefekti i Vlorës, Flamur Mamaj, i cili tha se rregullat janë bërë për t’u zbatuar dhe këto biznese do të jenë nën monitorim.

Të shqetësuar për sezonin e shumëpritur, por që do të jetë nën presionin e kufizimeve, pronarët e lokaleve kanë gati edhe planin B, që është dalja në protestë.

“Ne kërkuam që muzika të shtyhet të paktën deri në orën 00:00 dhe të jetë e moderuar për sa u përket profileve të caktuara. Ne do të mblidhemi, e kemi vendosur tashmë, dhe do të protestojmë në çdo lloj forme.

LEXONI GJITHASHTU:

• Pushuesit e huaj ankohen për prezencën e mbeturinave në plazhet e Vlorës
• “Pa muzikë, s’ka klientë”, pronarët e lokaleve në Vlorë ankohen për oraret e reja