Arrestohet shoferi që shkaktoi aksidentin me një viktimë në Gramsh

Policia ka arrestuar shoferin e autobusit që u aksidentua të shtunën në afërsi të Gramshit.

47-vjeçari Arjol Xhepexhiu humbi drejtimin e mjetit pranë fshatit Bregas dhe si pasojë vdiq 30-vjeçari me iniciale L.L dhe u plagosën 9 pasagjerë të tjerë. Këta të fundit ndodhen jashtë rrezikut për jetën.

Numri i aksidenteve rrugore në vendin tonë mbetet shqetësues, pasi gjatë pesë mujorit të parë të këtij viti janë regjistruar 547 aksidente, me pasojë 90 të vdekur.

Bazuar në të dhënat e INSTAT, aksidentet në pjesën më të madhe të tyre kanë ndodhur si pasojë e sjelljes së drejtuesit të mjetit, ndërsa numri më i lartë i tyre është kryer nga grupmosha 25 deri në 34-vjeç.

LEXONI GJITHASHTU:

• Autobusi del nga rruga në Gramsh, një i vdekur dhe nëntë të plagosur
• Dervishaj: Aksidentet po marrin 4 herë më shumë jetë se ngjarjet kriminale
• Aksidenti me katër të vdekur në një familje, arrestohet i riu me “Audi”