Helmimi masiv në Kosovë, Presidentja Osmani kërkon hetim

Presidentja e Kosovës, Vjosa Osmani, ka kërkuar hetim për helmimin e mbi 800 personave në Komunën e Deçanit. Deklarata e saj vjen pas dyshimeve se helmimi masiv mund të jetë shkaktuar qëllimisht.

Znj. Osmani ka biseduar me ministrin e Shëndetësisë, Arben Vitia, si dhe kryetarin e komunës së Deçanit, Bashkim Ramosaj, të cilët e kanë njoftuar për gjendjen e qytetarëve të helmuar dhe masat që janë marrë në nivel qendror dhe komunal për t’iu qëndruar pranë qytetarëve të prekur.

“Pres nga të gjitha institucionet angazhim të mëtejmë e të plotë në ofrimin e trajtimit adekuat shëndetësor për qytetarët e helmuar, si dhe zbardhjen e shkaqeve që kanë çuar në helmimin e qytetarëve. Një hetim nga organet e drejtësisë është i domosdoshëm dhe duhet të trajtohet me urgjencë. Qytetarëve të helmuar ju uroj shërim sa më parë dhe tejkalim të kësaj situate pa pasoja”, shkroi znj. Osmani.

LEXONI GJITHASHTU:

• Kosovë, mbi 800 persona në spital, dyshohet për helmim të qëllimshëm
• Masakra e Srebrenicës, Vjosa Osmani: Akte të tilla duhet të marrin gjykimin e drejtësisë
• Kosova paralajmëron rishikim të masave anti-COVID pas shfaqjes së variantit “Delta”