2 persona humbin jetën në Deçan të Kosovës, dyshohet për shkak të helmimit nga uji

Dy viktima janë shënuar pas helmimit të djeshëm të mbi 800 personave në Deçan të Kosovës.

Dyshohet se këta persona kanë humbur jetën për shkak të helmimit nga uji.

Për këtë arsye, Prokuroria e Pejës ka kërkuar kryerjen e autopsisë së dy viktimave, për të mësuar shkaqet e vdekjeve të tyre.

Kryetari i Komunës së Deçanit, Bashkim Ramosaj, ka thënë se është hera e dytë brenda muajit që ka helmime nga uji në këtë zonë dhe se kjo mund të jetë e qëllimshme.

Por, autoritetet kanë deklaruar se uji i pijshëm ka rezultuar brenda parametrave të lejuara, megjithatë është kërkuar të mos përdoret deri në një njoftim të dytë.

Hetim të plotë të kësaj situate ka kërkuar edhe presidentja Vjosa Osmani.

LEXONI GJITHASHTU:

• Helmimi masiv në Kosovë, analiza e ujit del brenda normave të lejuara
• Kosovë, mbi 800 persona në spital, dyshohet për helmim të qëllimshëm