Franca gjobit Google, 500 milionë euro për mosrespektim të “të drejtave të fqinjësisë”

Rregullatori i konkurrencës në Francë ka gjobitur kompaninë Google me 500 milionë euro. Akuza drejtuar Google-it është se nuk ka kompensuar agjencitë e lajmeve franceze, për lajmet të cilat janë shfaqur nga motorët e kërkimit të Google.

Sipas pretendimeve, kompania ka shpërndarë pamje, lajme dhe video të këtyre agjencive pa i shpërblyer, sikurse kishin rënë dakord.

Gjithsesi, kompanisë Google do t’i jepet dy muaj kohë për të propozuar një zgjidhje ndaj këtij problemi, ose në rast të kundërt do t’i vendoset një gjobë shtesë prej 900 mijë eurosh në ditë.

Google është shprehur se ndihet e zhgënjyer për këtë akuzë dhe sipas tyre i kanë respektuar “të drejtat e fqinjësisë”.

LEXONI GJITHASHTU:

• Franca gjobit Google me 220 milionë euro për dëm ndaj kundërshtarëve
• Taksa për “gjigantët” e teknologjisë, Amazon dhe Google mund të preken nga tatimi prej 15%
• Autoritetet italiane gjobisin Google për shkelje të konkurrencës