Kosova raporton numër të lartë të rasteve aktive me COVID-19

Tetë raste pozitive me COVID-19 u raportuan të martën në Kosovë. Ministria e Shëndetësisë thotë se raste e reja janë konfirmuar nga kryerja e 2,133 testeve të dyshuara, ndërsa prej ditësh nuk raportohet asnjë i vdekur.

Gjatë 24 orëve të fundit janë shëruar 32 pacientë, kurse raste aktive me COVID-19 janë 108.

Në total, Instituti Kombëtar i Shëndetësisë Publike ka konfirmuar 107,867 raste me coronavirus në Kosovë.

Autoritetet shëndetësore thonë se 2,264 pacientë kanë humbur jetën dhe 105,495 të tjerë janë shëruar.

Procesi i vaksinimit në Kosovë ka nisur në fund të muajit mars dhe deri tani janë injektuar me të dyja dozat mbi 72 mijë qytetarë.

Ndryshe nga Shqipëria, e cila ka përdorur vaksina të ndryshme përfshirë ato ruse dhe kineze, Kosova ka zgjedhur të aplikojë ato vaksina që janë miratuar nga Agjencia Evropiane e Barnave (EMA).

Dy vaksinat që jepen aktualisht në Kosovë janë Pfizer/BioNTech dhe AstraZeneca.

LEXONI GJITHASHTU

• Masakra e Srebrenicës, Vjosa Osmani: Akte të tilla duhet të marrin gjykimin e drejtësisë
• Kosova paralajmëron rishikim të masave anti-COVID pas shfaqjes së variantit “Delta”