Helmimi masiv në Deçan, rezultojnë negative analizat për infeksione në ujë

Kanë rezultuar negative analizat mikrobiologjike të kampioneve për helmimin e rreth 1.500 personave në Deçan.

Instituti Kombëtar i Shëndetësisë Publike në Kosovë thotë se rezultati i këtyre analizave tregon se uji në Deçan, nuk është i infektuar. Megjithatë qytetarëve të Deçanit u është kërkuar të mos konsumojnë ujin.

Drejtori i Institutit Kombëtar të Shëndetësisë Publike, Naser Ramadani tha se “për momentin nuk ka asnjë pistë se helmimi ka ardhur nga uji”.

Situata do të qartësohet pas analizave të vazhdueshme të ujit dhe pacientëve që kanë kërkuar ndihmë mjekësore.

Një ditë më parë, Komuna e Deçanit shpalli gjendjen e emergjencës pas helmimit të rreth 1.500 personave.

Hetim të plotë të kësaj situate ka kërkuar edhe presidentja Vjosa Osmani.

Nuk ka munguar edhe një reagim nga presidenti Ilir Meta, i cili është solidarizuar me ngjarjen duke shprehur mbështetjen për qytetarët e helmuar dhe duke iu uruar shërim të shpejtë.

LEXONI GJITHASHTU:

• Mbi 900 të helmuar, Deçani shpall gjendjen e emergjencës, ndërpritet furnizimi me ujë
• 2 persona humbin jetën në Deçan të Kosovës, dyshohet për shkak të helmimit nga uji
• Helmimi masiv në Kosovë, analiza e ujit del brenda normave të lejuara