Prokuroria kërkon raport urgjent mbi praninë e dy shtetasve serbë në Deçan

Kryeprokurori i Pejës, Agim Kurmehaj deklaroi se për hetimet në lidhje me helmimin në Deçan ka kërkuar nga policia një raport urgjent mbi praninë e dy shtetasve serbë.

“Sa i përket dy qytetarëve të nacionalitetit serbë, meqenëse nuk është lajmëruar Prokuroria lidhur me këtë rast, sot kam kërkuar nga Policia e Deçanit që të përpilojë një raport urgjent dhe të më njoftojnë rreth kësaj. Pastaj ne do të marrim veprime të nevojshme në atë drejtim. Edhe për këtë çështje do të ju njoftojmë në vazhdim”, u shpreh z. Kurmehaj.

Instituti Kombëtar i Shëndetit Publik në Kosovë deklaroi se në mostrat e ujit në Deçan janë identifikuar baktere, por analiza më të thelluara do të kryhen jashtë vendit.

Ndërkaq, kreu i Komunës së Deçanit Bashkim Ramosaj bëri të ditur se ujësjellësin nuk do ta menaxhojë më kompania private, por shteti.

Deri tani mbi 1500 qytetarë të Deçanit kanë kërkuar ndihmë mjekësore.

LEXONI GJITHASHTU:

• Komuna e Deçanit i heq të drejtën e menaxhimit kompanisë së ujësjellësit
• Helmimi në Deçan, analizat zbulojnë praninë e baktereve në ujin e pijshëm
• Mbi 900 të helmuar, Deçani shpall gjendjen e emergjencës, ndërpritet furnizimi me ujë