Kryetari i Komunës së Deçanit: Gjendja po shkon drejt normalizimit

Kryetari i Komunës së Deçanit, Bashkim Ramosaj, ka thënë se situata po shkon drejt normalizimit, pas helmimit të më shumë se 1,500 qytetarëve.

Ramosaj deklaroi se pas një takimi të Shtabit Emergjent për Menaxhimin e Emergjencave është vendosur që së shpejti do të hiqet gjendja e emergjencës, ndërsa qytetarët e 12 fshatrave të cilat furnizohen nga rezervuari në Drenoc do të vazhdojnë̈ të furnizohen me ujë nga Komuna e Deçanit.

Të premten, Instituti Kombëtar i Shëndetësisë Publike të Kosovës, pas analizave ka konstatuar se uji i ujëmbledhësit të Drenocit nuk është i pijshëm pasi ka rezultuar me prezencë të baktereve të dëmshme koliforme dhe E.coli.

Prokuroria e Pejës po heton në disa pista, njëra prej tyre është dhe hetimi mbi praninë e dy shtetasve serbë në këtë zonë.