Futbollisti Armando Broja zgjat kontratën, te Chelsea deri në vitin 2026

Futbollisti i përfaqësueses shqiptare, Armando Broja, do të vijojë të jetë lojtar i kampionëve të Evropës, Chelsea, për së paku deri në vitin 2026.

Shtatlarti ka ripërtërirë kontratën këtë fundjavë duke firmosur për 5 vite të tjera me “Blutë e Londrës”.

Besimi i dhënë dy vite më parë, kur u mor nga skuadra zinxhire e Chelsea-it, duket se do të vijojë më tej.

Sezonin e shkuar Broja u huazua te Vitesse në Holandë, ku luajti 34 ndeshje dhe realizoi 11 gola dhe 3 asiste.

Me rikthimin në Londër ai ka tashmë trajner gjermanin Thomas Tuchel, i cili njihet si një trajner që u jep mundësi të rinjve. Sidoqoftë mbetet për t’u parë se sa do të mund ta bindë Borja gjermanin për ta lënë në skuadrën e parë.

Shtatlarti, i cili ka debutuar me përfaqësuesen shqiptare shtatorin e vitit 2020, shpreson që të ketë më tepër hapësira në mënyrë që të marrë një vend kryesor edhe në skuadrën e Edoardo Rejas për eliminatoret e botërorit.

LEXONI GJITHASHTU:

• “Ditë vendimtare” për Cristiano Ronaldo, portugezi publikon mesazh misterioz
• Hamilton arrin fitore dramatike në “Silverstone”
• Lojërat Olimpike, tre atletë rezultojnë të prekur nga COVID-19