Ish-drejtori i policisë Vlorë kërkon të lirohet nga paraburgimi për tejkalim afati

Ish-drejtori i Policisë së Vlorës, Jaeld Çela ka bërë kërkesë në Gjykatën e Apelit për shuarje të masës së sigurisë me argumentin e përfundimit të afatit të paraburgimit.

Çela u dënua në Shkallë të Parë për shpërdorim detyre, vendimi u prish në Apel, që riktheu dosjen për rigjykim.

Për shkak të rekursit dosja ndodhet në Gjykatën e Lartë, e cila ka qenë në pamundësi për ta shqyrtuar.

Ish-drejtori i Policisë argumenton se masa duhet të ndryshojë pasi ka kaluar më shumë se një vit nga vendimi i Apelit dhe ende çështja nuk është marrë në shqyrtim.

Gjykata e Shkallës së Parë e Krimeve të Rënda e dënoi, Jaeld Çelën me 3 vite e 4 muaj burg vetëm për shpërdorim detyre.

I dënuar në mungesë për shpërdorim detyre së bashku me ish-ministrin e Brendshëm, Saimir Tahiri, ish-drejtori i Policisë Vlorë u dorëzua më 16 maj të vitit të kaluar pas më shumë se 2 vitesh arrati.

Në nëntor 2017, prokuroria e akuzoi Çelën se në bashkëpunim me ish-ministrin Tahiri ndihmonin bandën e Habilajve për të trafikuar drogë.

LEXONI GJITHASHTU:

• Gjykata e Lartë pranon rekursin, kalon për gjykim dosja në ngarkim të ish-ministrit Tahiri
• Apeli lë në burg ish-drejtorin e policisë së Vlorës, Jaeld Çela, i akuzuar si bashkëpunëtor i Habilajve
• Unpublished | Tahiri drejt rekursit në Gjykatën e Lartë, do kërkojë edhe pezullimin e gjykimit në shkallën e parë