Komuna e Deçanit heq gjendjen emergjente, situata drejt përmirësimit

Kryetari i Komunës së Deçanit, Bashkim Ramosaj ka njoftuar ndërprerjen e gjendjes së jashtëzakonshme, e cila u vendos pasi pati dyshime për helmimin e qytetarëve nga uji i pijshëm.

Ai shkroi në faqen zyrtare në “Facebook” se situata është stabilizuar dhe se qytetarët nuk  kanë shfaqur probleme shëndetësore.

“Sot, në mbledhjen e Shtabit për Menaxhimin e Emergjencave, morëm vendimin për ndërprerjen e Gjendjes Emergjente në Komunën e Deçanit”, shkroi Ramosaj.

Fillimisht u mendua se helmimi ka ardhur si pasojë e ujit në disa fshatra, por analizat treguan rezultate të ndryshme dhe nuk dihet me saktësi se çfarë e shkaktoi problemin shëndetësor tek qytetarët e Deçanit.

LEXONI GJITHASHTU: 

• Kryetari i Komunës së Deçanit: Gjendja po shkon drejt normalizimit