Vuçiç: Kurti po kthehet 150 vite pas, Serbia gati të bisedojë për çdo gjë

Presidenti i Serbisë, Aleksandër Vuçiç duke folur për mediat pas takimit me kryeministrin Albin Kurti në Bruksel ka deklaruar se pala shqiptare po kthehet shumë vite në kohë duke iu referuar akuzave për gjenocid.

Sipas tij, “Kurti po kthehet 150 vite pas në histori duke folu për të kaluarën”.

“Qëndrimi i tyre ishte se Serbia është fajtore për tri gjenocide ndaj shqiptarëve në Kosovë. U kthye në shekullin e XIX, jam i brengosur”, tha Vuçiç.

Vuçiç tha nga Brukseli se ka pranuar propozimet e palës ndërmjetësuese për temat e dialogut, ndër to edhe për të pagjeturit e luftës.

“Ishin tri pika, të intensifikojmë përpjekjet e përbashkëta për identifikimin e personave të zhdukur, të përmbahemi nga gjërat që mund të përshkallëzojnë situatën dhe që dialoguesit të takohen rregullisht”, është shprehur presidenti serb.

Sipas Vuçiç, Serbia është gati të bisedojë për çdo gjë por dikush nuk dëshiron që kjo gjë të ndodhi.

“Çdo gjë rrotullohet tek e njëjta gjë – dikush do të detyrojë Serbinë që të njohë Kosovën”, u shpreh ai.

LEXONI GJITHASHTU:

• Tension në takimin e dytë me Vuçiç, Kurti akuzon Serbinë për tre gjenocide ndaj shqiptarëve
• Kurti: Vuçiçit i propozova deklaratë paqeje me 6 pika