Merren peng dy gardianë në një burg suedez

Dy gardianë janë marrë peng në një burg në qytetin suedez Eskilstuna. Zyrtarët konfirmojnë se dy të burgosur janë kyçur në një prej ambienteve jashtë qelisë së tyre dhe kërkojnë t’iu vihet në përdorim një helikopter.

Sipas mediave suedeze, të burgosurit kanë rënë dakord që të lirojnë një prej pengjeve në shkëmbim të 20 picave, një për secilin prej tyre.

Autoritetet e burgjeve e kanë cilësuar situatën si “të rrezikshme” pasi të burgosurit kanë mësyrë në një prej dhomave të gardianëve e menjëherë kanë mbuluar kamerat.

Mediat vendase gjithashtu konfirmojnë se dy të burgosurit janë dënuar për vrasje.

Eskilstuna është rreth 120 kilometra në perëndim të Stokholmit.

LEXONI GJITHASHTU

• Tetë të plagosur nga një sulm i dyshuar si terrorist në Suedi
• Suedia lehtëson masat për qytetarët që janë vaksinuar
• Suedia ashpërson ligjin për emigracionin, vështirësohet qëndrimi i përhershëm