Gratë janë goditur më fort se burrat nga humbjet e punës gjatë pandemisë

Gratë jo vetëm kanë humbur më tepër vende pune se burrat në të gjithë botën që nga fillimi i pandemisë, por vetëm punët e burrave pritet që këtë vit, të shkojnë sërish në nivelet e vitit 2019 – zbulon studimi i ILO, Organizatës Ndërkombëtare të Punësimit.

Rreziku që gratë të shkarkohen apo t’u jepen orare më të shkurtuara gjatë periudhave me masa shtrënguese, ka qenë më i madh sidomos në sektorë si akomodimi, shërbimi, hoteleria dhe prodhimi, shprehet Organizata e Kombeve të Bashkuara.

Shumë gra jo vetëm kanë përjetuar humbje të mëdha të ardhurash por ato vazhdojnë të mbajnë mbi supe orë të tëra pune të papaguara.

Në rang botëror, nga viti 2019 deri në 2020, 4.2 % e punësimit të mbuluar nga gratë u eliminua si pasojë e COVID-19, që do të thotë një humbje prej 54 milionë vendesh pune, në krahasim me 3 % për burrat apo 60 milion vende pune.

Edhe pse është parashikuar se do të ketë rritje të punësimit të grave në vitin 2021, ajo do të jetë e pamjaftueshme për t’i sjellë ato sërish në nivelet e tyre të punësimit para pandemisë, raporton ILO (International Labour Organization).

LEXONI GJITHASHTU:

• UNICEF: Pandemia la pa shërbime dhe pa mbrojtje fëmijët dhe gratë në mbi 100 vende të botës
• Dhunë, kërcënime dhe pushime të mohuara: Si ndikoi pandemia në zinxhirin e prodhimit në vitin 2020
• Efektet e pandemisë, 125 mijë persona humbën punën në Kosovë