Prishtina inauguron qendrat e para për karikimin e makinave elektrike

Kryeqyteti i Kosovës të premten nisi hapat e parë për t’u bërë pjesë e planit te qyteteve të gjelbra.

Ky plan nisi me inagurimin e qendrave të karikimit për automjetet elektrike, që u bë sot në bashkëpunim me një bankë të nivelit të dytë.

Kreu i Prishtinës Shpend Ahmeti, me këtë rast pati një lajm të mirë për pronarët e makinave 100% elektrike. Ai tha se ky është vetëm fillimi, pasi në plan janë edhe shume projekte të tjetra të këtij lloji.

Po ashtu, sa i përket sistemit të ngrohjes në qytet gjatë dimrit, ai tha se po punohet që të bëhet përmes një projekti të madh me panele diellore.

Prishtina është qyteti me cilësinë më të dobët të ajrit në Kosovë, sipas shumë raporteve të publikuara vitet e fundit. Sipas autoriteteve komunale kjo ndotje vjen për shkak të frekuentimit të lartë të automjeteve dhe qytetarëve, e po kështu, gjatë dimrit edhe për shkak të ngrohjes me dru dhe thëngjill.

LEXONI GJITHASHTU:

• Njohja e Kosovës, 11 vjet nga vendimi i Gjykatës Ndërkombëtare pro pavarësisë
• Moti i keq përfshin Kosovën, përmbytet Prishtina, Gjilani dhe Skënderaj
• Hapet ekspozita ‘Grand Art 1970’ në Prishtinë, shfaqen 111 punime