Shpëtohen nga mbytja në det dy vajza të mitura

Dy vajza të mitura janë shpëtuar nga pushuesit ndërsa në ndihmë u kanë shkuar policia dhe mjekët.

Policia thotë se ngjarja ka ndodhur ndërsa efektivë të Postës së Policisë në Golem ishin duke patrulluar në vijën bregdetare në Golem.

Efektivët në bashkëpunim me disa pushues të tjerë që ndodheshin aty, pasditen e së dielës kanë shpëtuar nga mbytja dy vajza të mitura të moshës 10 dhe 17 vjeçe, banuese në Elbasan.

Vajzat aktualisht ndodhen në Spitalin e Durrësit jashtë rrezikut për jetën nën mbikëqyrjen e mjekëve.

Policia e Kavajës duke patrulluar përgjatë gjithë vijës bregdetare është e angazhuar në shërbim të pushuesve të cilët janë të lutur të telefonojnë në numrin 112 për çdo problem.