Pink paguan gjobën për lojtaret e skuadrës së hendbollit që refuzuan të veshin bikini

Muzikantja amerikane Pink ka ofruar të paguajë gjobën që iu dha vajzave të skuadrës norvegjeze të hendbollit, pasi ato veshën pantallona të shkurtra në vend të të poshtmeve bikini gjatë një ndeshjeje me Spanjën.

Skuadra norvegjeze e hendbollit të grave u gjobit me €1,500 euro javën e shkuar pasi u akuzua se theu rregullat nga Komiteti Disiplinor i Federatës Evropiane të Hendbollit.

Pink shkruan në Twitter se ajo është “krenare” për sportistet norvegjeze pasi ato po protestojnë kundra këtyre rregullave “tejet seksiste”.

Sipas rregullores së federatës, lojtaret femra duhet të veshin “të poshtme bikini me brez të ulët dhe të ngushta pas trupit”.

Por, gjatë ndeshjes për medaljen e bronzit kundër Spanjës, vajzat norvegjeze veshën pantallona të shkurtra në shenjë proteste.

Prej kohësh lojtaret e këtij sporti e kanë quajtur këtë lloj uniforme “degraduese” dhe jashtëzakonisht “jopraktike”.

Federata Norvegjeze e Hendbollit ka deklaruar se ishin të përgatitur për këtë gjobë dhe se kanë ndërmend t’i vazhdojnë përpjekjet e tyre për të ndryshuar këto rregulla, që ata sipas tyre janë “diskriminuese dhe seksiste”.

LEXONI GJITHASHTU:

• Ekipi norvegjez i vajzave gjobitet pasi refuzoi si ‘diskriminues’ detyrimin për të veshur bikini
• Shqipëria përfaqësohet nga 9 sportistë në lojërat olimpike
• Dënohet gjuha raciste e përdorur ndaj tre futbollistëve të Anglisë